Alang niadtong moanhi sa Dakbayan sa Sugbo gikan sa laing lalawigan, niay executive order si Mayor Edgardo Labella nga nagmando sa pagpresentar og negatibong RT-PCR test nga nakuha 72 oras sa di pa molarga padung sa dakbayan.
Ubos sa iyang EO 125 nga giluwatan Marso 25, 2021, ang pangitaan og RT-PCR test gikan sa DOH accredited nga pasilidad mao ang mga lumolupyo sa dakbayan nga manguli, pribadong authorized persons outside residence (APOR), di mga APOR, kadtong moanhi aron maglingawlingaw, o humanitarian nga rason.
Gikinahanglan ka sab nga morehistro sa S-PaSS Travel Management System sa DOST.
Kadtong moagi lang sa Cebu City kay taga laing lugar, pagpakita og travel pass through permit (TPP).